Nesse sommartrim 2014 - resultat

Då er oppsummering av Nesse Sommartrim sesong 8 klar. Det er gledeleg å sjå at det framleis er mange som tek turen til fjells og skriv seg i bøkene til sommartrimmen.

Det har dette året vore rekord både i samla besøk på alle postane og tal personar som har delteke.

Det har vore 1 ny post i år, lavvoen med 1 poeng. Poenga for Høgehammaren vart endra frå 2 til 3 poeng. Plassering og poenggiving på postane har elles vore som før.

Ein samlar poeng ved å skrive namnet sitt i dei utlagde bøkene i eit gittt tidsrom. I år vart dette tidsrommet frå og med

1. juni til og med 12. oktober på dei lettaste postane.

For dei andre postane var det poengsamling frå og med

1.juni til og med 14.september

Premie vert i år tildelt den som:
- har delteke og oppnådd minimum poengsum utifrå tabellen nedanfor.
- samla flest poeng i sin aldersklasse.
- har vore innom alle 17 postane.
- har vore innom 10 ulike postar (gjeld kun aldersklassane 0-2 år, 3-6 år og 7-9 år).

Det er i år 57 deltakarar som har samla nok poeng til å få premie. Av desse er det 18 under 16 år.

Resultatliste for alle som har oppnådd premie ligg ved.

Nesse Sommartrim vil få takke alle turgåarane for oppslutnaden. Håpar de har hatt mange fine turopplevingar. Premiar vart ikkje delt ut på årets juletrefest, men vert delt ut i etterkant. Når premiane er komne, vil det få beskjed om dette på Nesse sommartrim si facebook side.

Dokument for nedlasting (krev Adobe Reader som kan lastes ned gratis her):

Under ligg komplett liste over deltaking. Dei som har fått premie har anna fargemerking enn dei andre. Klassevinnarar er merka gult. Alle eller nok postar er merka grønt.
- Nesse Sommartrim 2014 - Premieliste 2014

Andre nyhende frå Nessanytt